Təhsil

Şirvan-Salyan Regional Təhsil İdarəsinin Neftçala rayonu üzrə Təhsil sektoru

 Şirvan Salyan Regional Təhsil İdarəsinin Neftçala rayonu üzrə Təhsil sektorunun tabeçiliyində 50 ümumtəhsil məktəbi, o cümlədən 28 tam orta ( onlardan biri humanitar təmayüllü liseydir), 16 ümumi orta, 6 ibtidai məktəb, 16 məktəbəqədər təhsil müəssisəsi, 1 məktəbdənkənar təhsil müəssisəsi fəaliyyət göstərir.

 Rayonun ümumtəhsil məktəblərində 10140 nəfər şagirdin təlim-tərbiyəsi ilə 1691 nəfərdən artıq  müəllim məşğul olur.

Təhsilimiz bu gün

Dövlətimizin təhsilə göstərdiyi diqqət və qayğı, müəllimlərin əməyinin  stimullaşdırılması nəticəsində rayonun müəllimləri müxtəlif  fəxri adlarla təltif olunmuşlar. Belə ki,  cənab Prezidentin müvafiq sərəncamlarıyla  8 nəfər müəllim əməkdar müəllim adına, 5 nəfər tərəqqi medalına, 4 nəfər isə  İlin ən yaxşı müəllimi adına layiq görülmüşdür.  “Əməkdar müəllim” adına layiq görülənlər – şəhər 2 saylı tam orta məktəbin müəllimi Rəzzaqova Girami Yusif qızı, Bankə qəsəbə 2 saylı tam orta məktəbin direktoru Zeynalova Hüsniyyə Heydərağa qızı, şəhər 4 saylı tam orta məktəbin müəllimləri Cəfərova Məlahət Süleyman qızı,  Mehdiyeva Gülnaz Nadir qızı, Qədimkənd kənd tam orta məktəbin müəllimləri Kərimova Raziyə Abdulla qızı və Eybullayev Elçin Fərhad oğlu, Xıllı qəsəbə 1 saylı tam orta məktəbin müəllimləri Səfərov Seyran Əmən oğlu və Həşimova Fatma Məhəmməd qızı, təqaüddə olan müəllim Cəfərov Əzizağa Əjdər oğludur.  “Tərəqqi” medalına layiq görülənlər – Xolqaraqaşlı kənd tam orta məktəbin direktoru Nəcəfova Ruhəngiz Əşrəf qızı, Aşağı Surra kənd tam orta məktəbin direktoru Rəhimov Həbulla Rəhmət oğlu, şəhər 4 saylı tam orta məktəbin müəllimi Cəfərova Məlahət Süleyman qızı, Xıllı qəsəbə 1 saylı tam orta məktəbin müəllimi Səfərov Seyran Əmən oğlu, şəhər 1 saylı tam orta məktəbin müəllimi Əliyev Famil Abas oğludur. “İlin ən yaxşı müəllimi” adına layiq görülənlər – Şirvan Salyan Regional Təhsil İdarəsinin Neftçala rayonu üzrə Təhsil sektorunun müdiri Dadaşov Vüqar İsrəfil oğlu, şəhər 2 saylı tam orta məktəbin müəllimi Rəzzaqova Girami Yusif qızı, Xolqaraqaşlı kənd tam orta məktəbin direktoru Nəcəfova Ruhəngiz Əşrəf qızı, Xıllı qəsəbə 1 saylı tam orta məktəbin müəllimi Səfərov Seyran Əmən oğlu olmuşdur. Təhsil Nazirliyi tərəfindən  “Qabaqcıl təhsil işçisi” döş nişanı ilə təltif olunanlar - Bankə qəsəbə 2 saylı tam orta məktəbin direktoru Zeynalova Hüsniyyə Heydərağa qızı, şəhər 1 saylı tam orta məktəbin direktoru Abdullayeva Ülviyyə Şükür qızı, şəhər 4 saylı tam orta məktəbin direktoru Balaşova Şəfəq Əlimərdan qızı, Cəngən kənd tam orta məktəbin müəllimi Əhmədova Şəhrəbanu Məsud qızı, Bankə qəsəbə 2 saylı tam orta məktəbin müəllimi İbrahimova Elnarə Əjdər qızıdır.

             Girami Rəzzaqova             Məlahət Cəfərova                      Famil Əliyev 

           Eybullayev Elçin                 Kərimova Raziyyə               Məcidova Fatma 

         Mehdiyeva Gülnaz             Nəcəfova Ruhəngiz          Dadaşov Vüqar

          Səfərov Seyran            Zeynalova Hüsniyyə            Rəhimov Həbulla 

Rayonun təhsil sahəsinə göstərilən qayğı şagirdlərin təhsil göstəricilərində  də öz əksini tapır. Respublika Fənn Olimpiadalarında, Ali məktəblərə qəbul imtahanlarında, Fənn müsabiqələrində və digər Respublika səviyyəli müsabiqələrdə Neftçala rayonunun təmsil edən şagirdlər xüsusi fərqlənirlər. 2021-ci ildə qəbul imtahanlarında iştirak edən 372 nəfər abituriyentdən 217 nəfəri ali təhsil müüəssisələrinə, 75 nəfəri isə orta ixtisas təhsili müəsisələrinə  qəbul olaraq, tələbə adını qazanmışdır. 2021-ci ildə qəbul kompaniyasında iştirak edən abituriyentlərdən 38 nəfəri 500 baldan, 7 nəfəri isə 600 baldan yuxarı nəticə göstərmişdir. 2021-ci ilin göstəricilərinə əsasən Dövlət sifarişi ilə ali məktəblərə qəbulolma faizinə əsasən Neftçala rayonu region üzrə birinci, Respublika üzrə isə 11-ci sırada qərar tutmuşdur.

 2022-2023-cü tədris ilində rayonun iki ümumtəhsil müəssəsində STEAM layihəsi tətbiq olunur.S.İmanov adına şəhər 1 saylı məktəbin 6, 7 və 8-ci siniflərində, R.Gözəlov adına Xıllı qəsəbə 1 saylı məktəbin  6 və 7-ci siniflərində tətbiq olunur. Layihə çərçivəsində 8 müəllim fəaliyyət göstərir. Ümumi olaraq layihədə 342  nəfər şagird təhsil alır. SAF 2022- Beynəlxalq STEAM Azərbaycan Festivalında Neftçala rayonu üzrə S.İmanov adına Neftçala şəhər 1 saylı tam orta məktəbin  “Flying Stars” komandası   finalda iştirak etmişdir.Həvəslədirici yerə layiq görülmüşdür.

Elm və Təhsil Nazirliyi tərəfindən 2022/2023-cü dərs ilində VI və VII siniflər üzrə fənn  müsabiqələri keçirilmişdir.  Müsabiqələrdə 732 nəfər şagird iştirak etmiş,  58 nəfər  zona mərhələsində iştirak hüququ qazanmışdır, onlardan ən yüksək nəticə göstərən 10 nəfər şagird final mərhələsində iştirak etmiş, onlardan 3 şagird Aşağı Surra kənd tam orta məktəbin 7 sinif şagirdi Quluzadə Nuray Nail qızı kimya fənni  üzrə, Aşağı Surra kənd tam orta məktəbin 7 sinif şagirdi Həsənova Nərmin Fuad  qızı kimya fənni  üzrə və Neftçala şəhər 4 saylı tam orta məktəbin 7 sinif şagirdi Məhərrəmli Səccad Elnur oğlu fizika fənni üzrə uğur qazanmışdır.

2022/2023-cü dərs ilində V sinif şagirdləri arasında Lütfi Zadə adına riyaziyyat fənni üzrə məntiq olimpiadası keçirilmişdir.  Müsabiqələrdə 323 nəfər şagird iştirak etmiş,  onlardan ən yüksək nəticə göstərən 23 nəfər şagird zona mərhələsində iştirak etmiş, onlardan 1 nəfər Aşağı Surra kənd tam orta məktəbin 5 sinif şagirdi Cavadlı Hüseynağa Teymur oğlu uğur qazanmışdır.

2022/2023-cü dərs ilində  fənn olimpiadalarında  8 fənn üzrə  VIII, IX,X,XI sinif şagirdlərindən 467 nəfər şagird iştirak etmişdir. Bunlardan  35 nəfər zona mərhələsində iştirak etmiş, onlardan 14 nəfər uğur qazanaraq final mərhələsində iştirak etmişdir. Bu şagirdlərdən 11 nəfəri uğur qazanmışdır. 1 qızıl medal, 2 gümüş medal və 8 bürünc medal qazanmışdılar.Respublika fənn olimpiadasının qalibi bürünc medalçı E.Həbibov adına Neftçala şəhər 4 saylı tam orta məktəbin VIII sinif şagirdi Abdullazadə Xavər Rövşən qızı Serbiyada keçirilən Avropa Belnəlxalq Coğrafiya olimpiadasında iştirak edərək IV yer tutumuşdur.

  Sertifikasiyaya hazırlıq zamanı təhsilverənlərə dəstək məqsədilə Şirvan-Salyan Regional Təhsil İdarəsi tərəfindən verilən müvafiq tapşırığa əsasən “Sertifikasiya təlim mərkəzləri” yaradılmışdır. Belə ki, müəllimlərin təlim ehtiyaclarını öyrənmək məqsədilə müəllimlər arasında sorğu aparılmışdır. Müraciət edən edən 70 müəllim rayon üzrə yaradılan 3 təlim mərkəzində təlimlərə cəlb edilmişdir. Təlimlər metodika, ibtidai sinif, Azərbaycan dili və ədəbiyyat ixtisasları üzrə 9 nəfər təlimçi tərəfindən keçirilmişdir.

2023-cü ildə təşkil olunan ibtidai sinif və Azərbaycan dili müəllimlərinin sertifikatlaşdırma prossesinə dair məsələlər icra olunmuşdur. Belə ki, rayon üzrə fəaliyyət göstərən bütün ibtidai sinif və Azərbaycan dili müəllimləri haqqında məlumatları toplanmış, araşdırılmış, daha sonra sertifikasiya üçün yaradılan müvafiq portala məlumatlar daxil edilmişdir. Məlumat üçün bildirək ki, 2022/2023-cü tədris ilində ümumilikdə 350 nəfər ibtidai sinif və Azərbaycan dili müəllimi fəaliyyət göstərmişdir. Onlardan 343 nəfər müəllim sertifikatlaşdırma prossesinin imtahan mərhələsində iştirak etmişdir.Bunlardan 268 nəfəri ibtidai sinif müəllimi, 75 nəfəri Azərbaycan dili və ədəbiyyat müəllimi olmuşdur.

2022-2023-cü tədris ilində ümumitəhsil müəssisələrini IX sinif üzrə 877 nəfər, XI sinfini isə 662 nəfər şagird bitirmişdir. Onlardan 23 nəfəri fərqlənmə attestatına layiq görülmuş, 2 nəfər isə qızıl və gümüş nişanlara və xüsusi nümunəli attestata layiq görülmüşdür.

2022-2023-cü tədris ilində Neftçala rayon ümumitəhsil məktəblərindən məzun olmuş 662 nəfər şagirddən 294 nəfəri ali məktəblərə qəbul olmuşdur. Tələbə adı qazanan məzunlardan 8 nəfəri 600-dən yüksək bal toplayaraq Respublikamızın ali təhsil ocaqlarına qəbul olublar.

Yenidən tikilən və təmir olunan məktəblər

Təhsilverənlərin zəhmətinin qiymətləndirilməsi ilə yanaşı, rayonun məktəb infrastrukturunun yenilənməsi də ölkə rəhbərliyinin daim diqqət mərkəzində olmuşdur.  2003-cü ildən başlayaraq rayonda ümumilikdə 25 məktəb binası yenidən tikilmiş, 5 məktəbdə isə əsaslə təmir işləri aparılmışdır. Modul məktəblərin quraşdırılmasına başlandığı 2016-cı ildən hazırkı dövrə qədər Neftçala rayonunda ümumilikdə 14 Modul tipli məktəb istifadəyə verilmişdir.  Son iki il ərzində Heydər Əliyev Fondu tərəfindən “Yeniləşən Azərbaycana Yeni məktəb” layihəsi çərçivəsində R.Gözəlov adına Xıllı qəsəbə 1 saylı tam orta məktəbi əsaslı təmir olunaraq istifadəyə verilmiş, S.Vurğun adına Bankə qəsəbə 2 saylı tam orta məktəb üçün tikilən 420 şagird yerlik binanın açılışında Azərbaycan Respublikasının Prezidenti İlham Əliyev və Birinci xanım Mehriban Əliyeva  iştirak etmişlər. Hesabat dövründə Azərbaycan Respublikası Prezidentinin müvafiq sərəncamlarıyla Elektrikşəbəkə kənd ibtidai və Yenikənd kənd ibtidai məktəbləri üçün yeni modul tipli məktəb binaları quraşdırılıb şagirdlərin və müəllimlərin istifadəsinə verilmişdir. Q.Nuralıyev adına Xolqaraqaşlı kənd tam orta məktəbində isə hal hazırda əsaslı təmir işləri davam edir.  Cənab Prezidentin 16 may 2022-ci il tarixli sərəncamı ilə Şorkənd kənd ümumi orta məktəbi üçün də 96 yerlik modul tipli məktəbin quraşdırılması nəzərdə tutulmuşdur.

Neftçala Peşə Məktəbi 

Neftçala Peşə Məktəbi 01 sentyabr 1975-ci ildə Salyan 104 nömrəli kənd orta texniki peşə məktəbinin filialı kimi fəaliyyətə başlamış, 01 aprel 1978-ci ildə isə müstəqil 151 nömrəli kənd orta texniki peşə məktəbinə çevrilmişdir. Azərbaycan Respublikası Nazirlər Kabinetinin 15 iyul 2011-ci il tarixli 115 nömrəli qərarına müvafiq olaraq Təhsil Nazirliyinin 24.09.2012-ci il tarixli 1517 nömrəli əmrinə əsasən məktəb “Neftçala Peşə Məktəbi” adlandırılmışdır.

Məktəbdə təhsil müddəti natamam orta təhsil bazasından (9-cu sinif) qəbul olunan gənclər üçün 2 il, tam orta təhsil bazasından (11-ci sinif) qəbul olunan gənclər üçün isə 1 ildir.

Məktəbin müvafiq texnikası, 10 fənn kabineti, 2 emalatxanası və 1 laboratoriyası vardır.

Tələbələrin təlim tərbiyəsi ilə məktəbdə 15 nəfər müəllim və istehsalat təlim ustası çalışır. Onlardan 6 nəfəri ali, 9 nəfəri isə orta ixtisas təhsillidir. Müəllim və istehsalat təlim ustalarının 14 nəfəri diaqnostik qiymətləndirmədən keçmişdir.

Məktəbdə aşağıdakı peşələr üzrə ixtisaslı kadrlar hazırlanır:

1. Elektrik avadanlıqlarına xidmət və təmir üzrə elektrik montyoru;
2. Balıq yetişdirilməsi üzrə mütəxəssis;
3. Avtomobilllərin təmiri çilingəri;
4. Aqroservis mütəxəssisi.

Məktəb öz fəaliyyətində Peşə təhsili haqqında Azərbaycan Respublikasının Qanununa əsaslanır.

Neftçala Peşə Məktəbinin məzunlarından 30 nəfəri birinci Qarabağ müharibəsi zamanı, 2 nəfər məzunu isə Vərən Müharibəsi zamanı Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi zamanı qəhrəmancasına vuruşaraq şəhidlik zirvəsinə ucalmışlar.

Neftçala şəhər M.Səfərov adına İnteqrasiya təlimli internat tipli gimnaziya 

Neftçala şəhər M.Səfərov adına İnteqrasiya təlimli internat tipli gimnaziya 1960-cı ildən fəaliyyətə başlamışdır. Gimnaziyaya Azərbaycan Respublikası Nazirlər Kabinetinin 13 iyul 1993-cü il 396 № li qərarına əsasən I Qarabağ döyüşlərində qəhrəmancasına şəhid olmuş gimnaziyanın məzunu Səfərov Mehman Məmmədəli oğlunun adı verilmişdir. Gimnaziya 2018-ci ildə Azərbaycan Respublikası Təhsil Nazirliyinin vəsaiti hesabına əsaslı təmir  olunmuşdur. Gimnaziya 6 korpus, 2 keçiddən, 148 yerlik iki yataqxana korpusu, 480 yerlik iki tədris korpusu, 135 yerlik bir yeməkxana və idman zalı olan korpusdan ibarətdir. Ərazisi 2,099 hektardır. Hal-hazırda gimnaziyada 571 nəfər şagird təhsil alır. Onların təlim tərbiyəsi ilə 64 nəfər  pedaqoji heyət məşğul olur. Gimnaziyada 41 nəfər şagird gecələyir.

Təhsil Nazirliyinin 29 mart 2022-ci il tarixli, F-148 nömrəli əmri ilə təşkil olunmuş məktəblilər arasında “Şuşa ili”nə həsr olunmuş “Könlüm keçir Qarabağdan” adlı respublika incəsənət  festival-müsabiqəsində gimnaziyanın VIII sinif şagirdi Hüseynova Esmira Lətif qızı iştirak edərək, ifa nominasiyası üzrə III yerə layiq görülmüşdür.

Gimnaziyanın riyaziyyat müəllimi Həsənova Mədinə Allahverdi qızı Azərbaycan Respublikasının Prezidenti cənab İlham Əliyevin 4 oktyabr 2018-ci il tarixli 520 nömrəli Sərəncamı ilə «Əməkdar Müəllim» fəxri adı ilə təltif edilmişdir.

 Məktəbəqədər təhsil müəssisələri

Rayon ərazisində 16 körpələr evi – uşaq bağçası fəaliyyət göstərir. Onlardan dördü beş qruplu (Neftçala şəhər 1 saylı, 2 saylı, 3 saylı və Həsənabad qəsəbə Körpələr evi- uşaq bağçaları) dördü dörd qruplu (Neftçala şəhər 4 saylı, 5 saylı, Xıllı qəsəbə və Bankə qəsəbə Körpələr evi- uşaq bağçaları) biri üç qruplu (Mirqurbanlı kənd Körpələr evi- uşaq bağçası), ikisi iki qruplu (Qırmızıkənd kənd və Qədimkənd kənd Körpələr evi- uşaq bağçaları), beşi isə qarışıq bir qruplu (Yuxarı Qaramnlı kənd, Yenikənd kənd, 1 saylı Mayak kənd, Sübh kənd, Xolqarabucaq kənd Körpələr evi- uşaq bağçaları) olmaqla 880 uşaq təlim- tərbiyə alır.  880 uşağın tərbiyəsi ilə 97 nəfər tərbiyəçi məşğul olur ki, onlardan 6 nəfəri ali, 51 nəfəri orta ixtisas, 1 nəfəri peşə təhsilli, 13 nəfəri  tam orta təhsilli, 26 nəfəri isə kurs bitirənlərdir. 16 Körpələr evi- uşaq bağçasında ümumilikdə 146 nəfər texniki işçi fəaliyyət göstərir. Körpələr evi- uşaq bağçasında hər tərbiyəçiyə orta hesabla 9,5 nəfər uşaq düşür.

Azərbaycan Respublikasının Nazirlər Kabinetinin 30 yanvar 2018-ci il tarixli 24 nömrəli Qərarı ilə təsdiq olunmuş “Məktəbəqədər təhsil sahəsində təhsilverənlərin tibbi müayinədən keçməsi Qaydası”na uyğun olaraq rayonun məktəbəqədər  təhsil müəssisələrində təhsil verənlər ildə bir dəfə, digər işçilər isə ildə iki dəfə tibbi müayinədən keçirlər.

Azərbaycan Respublikasının Nazirlər Kabinetinin 2014-cü il 23 aprel tarixli 109 nömrəli qərarı ilə təsdiq edilmiş “Uşaqların icbari dispanserizasiyasının həyata keçirilməsi Qaydası”nın icrası ilə əlaqədar olaraq  Neftçala Mərkəzi Rayon Xəstəxanasının ixtisaslı həkim-mütəxəssislərindən ibarət həkim biriqadası tərəfindən hər il  Körpələr evi- uşaq bağçalarında uşaqları icbari dispanserizasiyası həyata keçirilir. 2019-cu il ərzində aparılan müayinələr nəticəsində 875 uşaq müayinədən keçirilmiş, 821 uşağın vəziyyəti praktik sağlam kimi qiymətləndirilmiş, 54 uşaq uşaq müxtəlif xəstəliklərlə dispanser qeydiyyatına götürülmüşdür.Müayinə olunmuş 41 uşaqda isə müxtəlif sağlamlaşdırma tədbirləri aparılmışdır.

Neftçala Rayon İcra Hakimiyyəti körpələr evi-uşaq bağçalarında uşaqların gündəlik qida norması Azərbaycan Respublikası Nazirlər Kabinetinin 09.03.1994-cü il tarixli 103 saylı qərarında göstərilən müvafiq normativə uyğun olaraq hər bir uşaq üçün təmin edilir. Körpələr evi-uşaq bağçalarının qida təminatı bağlanmış müqavilə əsasında  “Ərzaq məhsullarının tədarükü və təchizatı “Açıq Səhmdar Cəmiyyəti tərəfindən həyata keçirilir. Qidaların keyfiyyət  sertifikatları mövcuddur,  standartlara cavab verir .

Ümumilikdə rayon ərazisində 41 yaşayış məntəqəsi üzrə körpələr evi- uşaq bağçası mövcud deyildir.

44 günlük “Vətən Müharibəsində” Azərbaycanın qəhrəmanlıq salnaməsini yazan minlərlə mərd igidlərimiz arasında bizim doğma Neftçalanı şərəflə və mətanətlə təmsil edən şəhid balalarımızı və eyni zamanda bizim səadətimiz uğruna sağlamlıqlarını itirən oğullarımızı əsla unutmadıq və unutdurmarıq.  Hər bir 16 Körpələr evi- uşaq bağçasında “Vətən Müharibəsi” şəhidlərinin ölməz xatirəsini əbədiləşdirən lövhələr vardır ki, bu da hər gün müəssisəyə qədəm basan körpənin yaddaşına  həkk olunur və övladlarımızın milli ruhda böyümələrinə təkan verir. Hər il milli və rəsmi dövlət bayramlarımız  həmçinin “Zəfər günü  bütan bağçalarda böyük təntənə ilə qeyd edilir.

Bağça uşaqlarının həvəsləndirilməsi, təlim-tərbiyə prossesinə maraqlarının və  uşaqların vətənpərvərlik hisslərinin artırılması istiqamətində uşaqlar arasında “Qarabağ Azərbaycandır”, “Qalib xalqın qalib əsgərləri”, Şəhidlər ölməz, Vətən bölünməz!”, “Sayaq öyrənək”, “Heydər Babanın övladlarıyıq”, “Təbiəti Qoruyaq” və s.  mövzularında rəsm müsabiqələri keçirilir və müsabiqə qalibləri maraqlı  öyrədici və əylən cəli hədiyyələrlə mükafatlandırılır.