İdman

Neftçala rayonunun idman tarixi

Neftçala rayonu hər zaman öz idmançıları ilə seçilən rayonlardan olub. Tanınmış SSRİ idman ustalarımızın yetirmələri Dünya və Avropa birinciliklərində rayonumuzu layiqincə təmsil edərək qalibiyyət əldə ediblər. İndi də dövlətin idmana və idmançılara göstərdiyi diqqət öz bəhrəsini verməkdədir. Günü-gündən idman nəaliyyətlərimiz bütün xalqın eləcə də rayonun idman ictimaiyyətinin sevincinə səbəb olur, yeniyetmə və gənc idmançılara stimul verir.

Neftçala rayonunda 2 (iki) Uşaq Gənclər İdman Məktəbi var:

• Şirvan-Salyan Regional Gənclər və idman İdarəsinin Neftçala rayonu üzrə Gənclər və idman sektorunun nəzdində fəaliyyət göstərən Uşaq Gənclər İdman məktəbi;
• Şirvan-Salyan Regional Təhsil İdarəsi Neftçala Təhsil sektorunun nəzdində fəaliyyət göstərən Uşaq Gənclər İdman Şahmat Məktəbi.

Neftçala rayonu üzrə Gənclər və idman sektoru 1995-ci ildə yaradılsa da, hazırda sektorun nəzdində olan UGİM 1980-ci illərdən fəaliyyət göstərib və burada hal-hazırda sərbəst güləş, yunan-roma güləşi, boks və ağır atletika idman növləri, Şirvan-Salyan Regional Təhsil İdarəsi Neftçala Təhsil sektorunun nəzdində fəaliyyət göstərən UGİŞM-də isə futbol, boks və şahmat idman növləri tədris olunur.

Ümumilikdə, 2023-cü ilin iyul ayına olan statistakaya əsasən, Neftçala rayonunda yuxarıda adları qeyd olunan idman məktəblərində 43 məşqçi-müəllim tərəfindən 969 nəfər şagird 6 idman növü üzrə məşğul olur.

Şirvan-Salyan Regional Gənclər və idman İdarəsinin Neftçala rayonu üzrə Gənclər və idman sektoru Neftçala şəhəri Heydər Əliyev prospekti 33 ünvanda yerləşir.

Neftçala rayonu üzrə Gənclər və idman sektorunun müdiri: Araz Əhmədov

Telefon: (02126) 3-37-07

Neftçala rayonunun beynəlxalq və dünya miqyaslı idman yarışlarında iştirak edən idmançıları:

Ələkbərli Mirfazil İbrahim oğlu – 2009-cu ildə Rusiyanın Anapa şəhərində keçirilən boks üzrə Yeniyetmələrin Avropa Birinciliyində III yerin qalibi.

Mustafayev Ağahüseyn Təbriz oğlu – 2009-cu ildə Türkiyədə keçirilən sərbəst güləş üzrə Dünya çempionatı və Gürcüstanda keçirilən Avropa çempionatında, 2019-cu ildə Buxarestdə, 2020-ci ildə isə İtaliyada keçirilən Avropa çempionatlarında II yerin qalibi.

Ələkbərov Fərrux Rövşən oğlu – 2010-cu ildə Bosniya və Hersoqovinada keçirilən sərbəst güləş idman növü üzrə Avropa birinciliyində III yerin qalibi;

Şəfizadə Elnur Elxan oğlu – 2011 və 2012-ci illərdə Bakı şəhərində keçirilən boks üzrə “Heydər Əliyev kuboku” Beynəlxalq turnirində I yerin,  2010 və 2012-ci illərdə Bolqarıstanda keçirilən Yeniyetmələrin Avropa birinciliyində II və III yerlərin qalibi

Musayev Anar Qulu oğlu – 2016-cı il Bakı şəhərində keçirilən boks üzrə “Heydər Əliyev kuboku” Beynəlxalq turnirində I yerin qalibi.

Xəlilov Kənan Etibar oğlu – 2017-cı ildə İsveçrədə gənclər arasında keçirilən ağır atletika üzrə Avropa birinciliyində III yerin qalibi.

Ağayeva Fidan Ceyhun qızı – 2018-ci ildə İtaliyada yeniyetmələr və gənclər arasında keçirilən kikboks üzrə Dünya çempionatında III yerin qalibi.

Səfərova Aytən Etibar qızı – 2010-cu ildə Gürcüstanda, 2016-cı ildə isə Yunanıstanda keçirilən şahmat üzrə Avropa çempionatını iştirakçısı.

Əhmədov Ceynur Zahir oğlu – 2022-ci ildə Türkiyə Cumhuriyyətinin Trabzon şəhərində 42-ci Beynəlxalq Yarı Festivalının iştirakçısı.

Neftçala rayonunun respublika birinciliklərində iştirak edərək I, II və III yerlərə layiq görülən idmançıları:

İmanzadə Fazilə Ağadədə qızı – 2023-cü ildə ağır atletika idman növü üzrə Azərbaycan çempionatında 64 kq çəki dərəcəsində I yerin və 2022-ci ildə ağır atletika kişilər və qadınlar arasında  keçirilən ölkə çempionatında, qadınlar arasında 59 kq çəki dərəcəsində II yerin qalibi.

Xəlilov Kənan Etibar oğlu – 2023-cü ildə ağır atletika idman növü üzrə Azərbaycan çempionatında 89 kq çəki dərəcəsində II yer və 2020-ci ildə ağır atletika idman növü üzrə kişilər və qadınlar arasında keçirilən Azərbaycan çempionatında 73 kq çəki dərəcəsində I yerin qalibi.

Tağıyev Əvəz Şakir oğlu – 2023-cü ildə ağır atletika idman növü üzrə Azərbaycan çempionatında 55 kq çəki dərəcəsində II yer və 2020-ci ildə ağır atletika idman növü üzrə kişilər və qadınlar arasında keçirilən Azərbaycan çempionatında 56 kq çəki dərəcəsində I yerin qalibi.

Kazımov Ramiz Zahir oğlu – 2023-cü ildə ağır atletika idman növü üzrə Azərbaycan çempionatında 61 kq çəki dərəcəsində III yerin və 2022-ci ildə ağır atletika idman növü üzrə kişilər və qadınlar arasında  keçirilən ölkə çempionatında, kişilər arasında 55 kq çəki dərəcəsində III yerin qalibi.

Şahpələngov Tunar Murad oğlu – 2023-cü ildə ağır atletika idman növü üzrə Azərbaycan birinciliyində II yerin qalibi və 2022-ci ildə ağır atletika idman növü üzrə U-15 və U-17 yeniyetmə oğlan və qızlar arasında  keçirilən ölkə çempionatında 89 kq çəki dərəcəsində II yerin qalibi.

Babayev Abasağa Əliqulu oğlu – 2022-ci ildə “Təhsil” Respublika İdman Mərkəzinin boks üzrə respublika birinciliyində 57 kq çəki dərəcəsində III yerin qalibi.

Abdullayev Elsevər Qalib oğlu – 2022-ci ildə boks üzrə gənclər arasında Azərbaycan birinciliyində 51 kq çəki dərəcəsində III yerin qalibi.

Mamayev Yaşar Eldəniz oğlu – 2020-ci ildə ağır atletika idman növü üzrə kişilər və qadınlar arasında keçirilən Azərbaycan çempionatında 81 kq çəki dərəcəsində III yerin qalibi.

Əskərzadə Samir Aydın oğlu – 2020-ci ildə ağır atletika idman növü üzrə kişilər və qadınlar arasında keçirilən Azərbaycan çempionatında 67 kq çəki dərəcəsində III yerin qalibi.

Mütəllimov Nurhan Yasər oğlu – 2019-cu ildə sərbəst güləş idman növü üzrə məşhur pəhləvan Yaşar Cavadovun xatirəsinə həsr olunmuş yeniyetmələr arasında Respublika turnirində 85 kq çəki dərəcəsində III yerin qalibi.

Hüseynov Hüseynağa Elçin oğlu – 2019-cu ildə sərbəst güləş idman növü üzrə məşhur pəhləvan Yaşar Cavadovun xatirəsinə həsr olunmuş yeniyetmələr arasında Respublika turnirində 62 kq çəki dərəcəsində III yerin qalibi.

Yaqubov İlyas Taryel oğlu – 2018-ci ildə sərbəst güləş idman növü üzrə məşhur pəhləvan Yaşar Cavadovun xatirəsinə həsr olunmuş Beynəlxalq turnirdə 62 kq çəki dərəcəsində II yerin qalibi.

Miriyev Seyidağa Toğrul oğlu – 2018-ci ildə sərbəst güləş idman növü üzrə məşhur pəhləvan Yaşar Cavadovun xatirəsinə həsr olunmuş Beynəlxalq turnirdə 29 kq çəki dərəcəsində III yerin qalibi.

Neftçala rayonunun idman dərəcəsi olan idmançıları:

SSRİ idman ustası –Ağalarov Mirabdulla, Əliyev İbadulla, Dadaşov Cəfərağa, Ağayev Azad, Həsənov Məliy, Rzayev Əhədağa, Məmmədov Natiq, Qurbanov Akif, Zeynalov Abdulxalıq, İbrahimov Bəxtiyar, Novruzov Qismət (boks üzrə Beynəlxalq dərəcəli hakim), Zeynalov Vaqif (əməkdar məşqçi)

Azərbaycanın idman ustası  – Zeynalov Orxan, Tağıyev Əlif, Tağıyev Əvəz

Əməkdar məşqçi – Səmədov Cəmaləddin

Fəxri Bədən Tərbiyəsi və İdman İşçisi  –Məmmədov Ağamoğlan, Qubadov Bahadir

Qaydasız döyüş üzrə Dünya və Avropa çempionu  – Mirələkbərov Mirəli

Sərbəst güləş üzrə Dünya və Avropa çempionu – Mustafayev Ağahüseyn

Sərbəst güləş üzrə Avropa çempionu  – Atakişiyev Eldar

Beynəlxalq dərəcəli hakim (boks üzrə) – Əsəd Elxan

Neftçala rayon Uşaq- Gənclər İdman –Şahmat Məktəbi

Neftçala rayon Şahmat Məktəbi 1983-cü ildə yaranıb, 1987-ci ildə yeni bina tikilmiş və 1988-ci ildə istifadəyə verilmişdir. 2006-cı ilin sonlarında burada əsaslı təmir işlərinə başlanılmş və 2007-ci ilin avqust ayında  başa çatmışdır. Məktəb birmərtəbəli binadan ibarətdir. Məktəbin ərazisi 0,37 ha, binanın ümumi sahəsi isə 660 kv. m. Məktəbdə 4 dərs otağı, 1 direktor otağı, 1 böyük yarış zalı və 1 akt zalı var. Məktəb 2007-ci ildə əsaslı təmir edildikdən sonra zəruri avadanlıqlarla təchiz olunmuşdur.

23 avqust 2007-ci ildə Dövlət başçısı, möhtərəm Prezidentimiz cənab İlham Əliyevin və Azərbaycanın birinci xanımı Mehriban Əliyevanın Neftçala rayonuna səfəri zamanı onlar rayon Şahmat Məktəbinin açılışında iştirak etmış, əsaslı təmir işlərindən sonra burada uşaqlar üçün yaradılmış şəraitlə tanış olmuş və şahmat dərslərinin aparılması ilə maraqlanmışlar. Məktəbin yetirmələri respublika və beynəlxalq yarışlarda rayonumuzu təmsil etmiş, bir çox nailiyyətlər əldə edilmişdir.

Təhsil Nazirliyinin tabaleyində fəaliyyət göstərən məktəbdənkənar təhsil müəssisələrinin şəbəkəsinin rasionallaşdırılması barədə Azərbaycan Respublikası Təhsil Nazirinin 02.08.2017-ci il tarixli 233 №-li əmrinə əsasən Neftçala rayon Uşaq Gənclər İdman  Məktəbi və Neftçala rayon Uşaq Gənclər Şahmat Məktəbi birləşdirilərək onların bazasında Neftçala rayon Uşaq - Gənclər İdman - Şahmat  Məktəbi yaradılmışdır.

2021-2022-ci tədris ilində Neftçala rayon Uşaq – Gənclər İdman – Şahmat Məktəbində  60 qrupda 802 şagird təhsil alır. Onlardan 26 qrupda  390 nəfər şagird futbolla, 17 qrupda 162 nəfər şagird boksla, 21 qrupda  250 nəfər şagird şahmatla məşğul olur.

Uşaq Gənclər Şahmat Məktəbinin şahmat üzrə yetirməsi Şirəliyeva Fizzə Vurğun qızı 1995-ci ildə Braziliyada keçirilən dünya çempionatında,1996-cı ildə Slovakiyada, 1997-ci ildə Estoniyada, 1998-ci ildə Fransada, 2000-ci ildə Yunanıstanda və 2002-ci ildə Türkiyədə keçirilən Beynəlxalq şahmat turnirlərində iştirak etmişdir.

Şahmat məktəbinin yetirməsi Şirəliyeva Fidan Vurgun qızı 1996-cı ildə Slovakiyada keçirilən Avropa şempionatında, 1997-ci ildə Estoniyada, 1998-ciildə Fransada, 1999-cu ildə Yunanıstanda 2000-2001-ci illərdə İspaniyada, 2002-ci illərdə Türkiyədə keçirilən Beynəlxalq şahmat turnirlərində iştirak etmişdir.

Digər şahmatçı Səfərova Aytən Etibar qızı şahmat üzrə 2010-cu ildə Azərbaycan çempionatının 3-cüsü, 2015-ci ildə Azərbaycan birinciliyinin 2-cisi olmuşdur. 2010-cu ildə Gürcüstanda, 2016-cı ildə isə Yunanıstanda keçirilən şahmat üzrə Avropa çempionatında iştirak etmişdir. 2016-cı ildə Azərbaycan yeniyetmələri arasında keçirilən Olimpiadada (16 yaşlı qızlar arasında) I yer tutmuşdur.

Uşaq Gənclər İdman Məktəbinin boks üzrə yetirməsi Şəfiyev Elnur Elxan oğlu 2009-cu ildə  Azərbaycan çempionu, 2009-cu ildə Gürcüstanda beynəlxalq turnirin 1-cisi, 2010-cu ildə Azərbaycan çempionu, həmin ildə Bolqarıstanda keçirilən Avropa birinciliyində II yer, 2011-ci ildə Azərbaycan çempionu, elə həmin il Heydər Əliyevin xatirəsinə həsr olunmuş beynəlxalq turnirin qalibi, 2011-ci ildə Ukraynada keçirilən turnirin qalibi, həmin il Qazaxıstanda keçirilən Dünya çempionatının iştirakçısı, 2012-ci ildə Azərbaycan 1-cisi, 2012-ci ildə Bolqarıstanda keçirilən Avropa birinciliyinin 3-cüsü, elə həmin ildə Ukraynada keçirilən turnirdə I yer, 2013-cü ildə Azərbaycan 1-cisi, ,elə həmin il Qazaxıstanda beynəlxalq turnirdə II yer, 2014-cü ildə kişilər arasında Azərbaycan kubokunun 1-cisi, həmin il Serbiyanın Belqrad şəhərində keçirilən beynəlxalq turnirin 2-cisi olmuşdur.

İdman məktəbinin boks üzrə digər yetirmələri Ələkbərov Mirsəmid 2009-cu ildə Azərbaycan birinciliyində - I yer, həmin ildə Rusiyada keçirilən Avropa çempionatında III yer tutmuşdur.

Digər boksçular 2015-ci ildə Respublika üzrə açıq birincilikdə Əzizov Akif  Xalıq oğlu - II yer, 2017-ci Azərbaycan birinciliyində - I yer, 2018-ci ildə Bakı birinciliyində Səlimov Hüseyn Habil oğlu - I yer, 2018-ci ildə Azərbaycan birinciliyində Məmmədov Mətin Rafiq oğlu  - I yer,  2019-cu ildə Respublika birinciliyində - II yer tutmuşdur. 2022-ci ildə Gənclər arasında Azərbaycan birinciliyndə Abdullayev Elsəvər Qalib oğlu - III yer, “Təhsil” RİM-nin Respublika birinciliyində Abdullayev Elsəvər Qalib oğlu (52 kq) - III yer, Zeynalov Elvin Talıb oğlu(50 kq) - III yer, Babayev Abasağa Əliqulu oğlu(57 kq) - III yeri tutmuşlar.

Uşaq-Gənclər İdman- Şahmat Məktəbinin futbol komandası

2017-ci ildə AFFA cənub zona yarışı:

2008-ci il təvəllüdlü oğlanlar – II yer, 2007-ci il təvəllüdlü oğlanlar  -- III yer, 2006-ci il təvəllüdlü oğlanlar – III yer, 2004-ci il təvəllüdlü oğlanlar – II yer

2018-ci ildə AFFA cənub zona yarışı:

2008-ci il təvəllüdlü oğlanlar – III yer, 2007-ci il təvəllüdlü oğlanlar – II yer, 2004-ci il təvəllüdlü oğlanlar – III yer

Uşaq-Gənclər İdman-Şahmat Məktəbinin məşqçi-müəllimlərindən Əsəd Elxan Eynulla oğlu Beynəlxalq dərəcəli hakim, Səfərova Səadət Zeynal qızı isə FİDE hakimdir.

Neftçala Olimpiya İdman Kompleksi haqqında məlumat

Ərazisi 4,0 hektar olan Neftçala Olimpiya İdman Kompleksinin tikintisinə   Azərbaycan Respublikası Gənclər və İdman Nazirliyinin sifarişi əsasında “Mega Plus” tikinti şirkəti tərəfindən 2013-cü ildə başlanılmış və Ölkə Başçısı cənab İlham Əliyev və Birinci Vitse Prezident Mehriban xanım Əliyevanın Neftçalaya  18 aprel 2023-cü ildə tarixi səfəri zamanı rəsmi açılış mərasimi olmuşdur.

Sahəsi 12848 kvadratmetr olan idman kompleksinin  binasında basketbol, voleybol, həndbol, minifutbol, badminton idman növləri üzrə məşqlərin və yarışların keçirilməsi üçün  823  tamaşaçı yeri olan universal idman zalı, 264 yerlik güləş zalı, 260 yerlik hovuz məkanı(tərkibində qadın və kişi üçün ayrı-ayrılıqda sauna otağı), 45 yerlik ağırlıq qaldırma idman zalı, 14 şahmat stolunun daxil olduğu şahmat otağı, 45 yerlik konfrans zalı, 15 yerlik kompüter otağı,trenajor, boks, taekvondo, gimnastika və aerobika zalları  vardır.

Olimpiya Kompleksinin binasında həmçinin asudə vaxtın səmərəli təşkili və istirahət məkanı olaraq istifadə olunması üçün 84 yerlik qapalı, 136 yerlik həm açıq , həm də qapalı istifadə imkanları olan restoran, həmçinin hər birində 2 çarpayı olmaqla 48 yerlik 24 ədəd standart otaq, 4 ədəd isə VİP otağın yerləşdiyi mehmanxana vardır.

Həmçinin Kompleksinin həyətyani sahəsində süni ot örtüklü bir qapalı və bir açıq tipli minifutbol meydançası, açıq hava idman meydançası, iki Bocce idman oyunu meydançası, uzunluğu 280 metr olan xüsusi yumşaq döşəməli dairəvi qaçış zolağı yaradılmışdır.