Neftçala Rayon İcra Hakimiyyətinin başçısı Mirhəsən Seyidov Neftçala rayon yerli icra nümayəndələri ilə onlayn şəkildə görüş keçirib.
Görüş zamanı mövcud problemlemlərin araşdırılması və həlli üçün müzakirələr aparılıb, həmçinin aşağıdakı istiqamətlər üzrə müvafiq göstəriş və tapşırıqlar verilib:⠀
- Nazirlər Kabineti yanında Operativ Qərargahın qәrarı ilә xüsusi karantin rejiminin yumşaldılmasına baxmayaraq profilaktik tədbirlərin davam etdirilməsi;⠀
- aztəminatlı ailələrin, yaşı 65-dən yuxarı olan vә tənha ahılların daim nəzarətdә saxlanılması;⠀
- ərzaq yardımı zamanı şəffaflığın bundan sonrakı müddətdə də qorunub saxlanılması;⠀
- ictimai işlərə cəlb olunan şəxslərin dezinfeksiya işlərində və sosial xidmət sferasında işinə mütəmadi nəzarətin həyata keçirilməsi;⠀
- rayon ərazisində karantin rejimi qaydalarına, ictimai nəqliyyatda, ictimai iaşə obyektlərində, bazar, topdan və pərakəndə satış məntəqələrində, vətəndaş qəbulu zamanı qaydalara ciddi formada riayət edilməsi;⠀
- rayon ərazisində, kəndlər və qəsəbələrdə mütəmadi olaraq mobil qruplar tərəfində maarifləndirmə tədbirlərinin həyata keçirilməsi və məlumatlandırıcı posterlərin insanların mütəmadi istifadə etdiyi yerlərdə asılmasına nəzarətin həyata keçirilməsi.
