“Zəfər Kuboku” mini futbol turnirinin final mərhələsi keçirilib
03 noyabr 2024 | 08:51
“Zəfər günü” münasibətilə Neftçala rayonunda silsilə tədbirlər həyata keçirilir. Qeyd olunan tədbirlər çərçivəsində 01 noyabr 2024-cü il tarixdə Neftçala Rayon İcra Hakimiyyətinin dəstəyi, Neftçala Peşə Məktəbinin təşkilatçılığı ilə Neftçala rayon Olimpiya İdman Kompleksində “Zəfər Kuboku” mini futbol turnirinin final mərhələsi keçirilib.
Tədbirdə Neftçala Rayon İcra Hakimiyyəti başçısının müavini, İctimai-siyasi və humanitar məsələlər şöbəsinin müdiri vəzifəsini müvəqqəti icra edən, şöbə müdirinin müavini Vasif Əliyev, Neftçala Peşə Məktəbinin rəhbərliyi və müəllim kollektivi, gənclər, məktəblilər iştirak edib.
Zəfər Kuboku futbol turnirinin final mərhələsi həyəcan dolu anlarla yadda qalıb. Finalda Balıqyetişdirmə üzrə mütəxəssis Dual qrupu ilə Aşpaz II kurs tələbələri qarşılaşıb. Rauf Ələkbərovun idarə etdiyi oyunun sonunda Balıqyetişdirmə qrupu 2-1 hesabı ilə qalib gələrək Zəfər Kubokunun və 1-cı yerin sahibi olub.
2-ci yerdə isə Aşpaz qrupunun II kurs tələbələri qərarlaşıb.
3-cü yeri Mebel ustası qrupunun I kurs tələbələri qazanıb.
Tədbirin sonunda qalib komandalar kubok və hədiyyələrlə mükafatlandırılıb.
Qalib komandaları təbrik edir, onlara gələcək yarışlarda uğurlar arzu edirik.
Keçidlər
