“Şən və hazırcavablar klubu” nominasiyasının III zona üzrə seçim turu Neftçala rayonunun Xol zonası üzrə keçirilib
15 oktyabr 2023 | 19:08
Neftçala rayonunda Ulu öndər Heydər Əliyevin anadan olmasının 100 illik yubileyi çərçivəsində Neftçala rayonunda təşkil olunacaq “İstedadlar axtarışında” yaradıcılıq festivalında müxtəlif nominasiyalar üzrə sonuncu seçim turu keçirilib.
Neftçala Rayon İcra Hakimiyyətinin dəstəyi ilə “Şən və hazırcavablar klubu” nominasiyasının III zona üzrə seçim turu Neftçala rayonunun Xol zonası üzrə keçirilib.
Seçim turunda Neftçala rayonu Xol Qaraqaşlı kənd tam orta məktəbinin “Xol Qaraqaşlı”, Neftçala rayonu Xol Qarabucaq kənd tam orta məktəbinin “Suqovuşan”, Neftçala rayonu Qaçaqkənd kənd tam orta məktəbinin “Uğur”, Neftçala rayonu Mürsəqulu kənd tam orta məktəbinin “Zirvə”, Neftçala rayonu Qırmızıkənd kənd tam orta məktəbinin “Mübarizlər”, Xəzərkənd kənd tam orta məktəbinin “Xəzər” komandaları iştirak edib.
Müsabiqədə komandalar komanda təqdimatı və tamaşa təqdim ediblər. Münsiflər heyəti tərəfindən qiymətləndirmə 10 ballıq xal üzrə həyata keçirilib. “Şən və hazırcavablar klubu” nominasiyasının III zona üzrə seçim turunda ən yüksək nəticə göstərən komanda Qaçaqkənd kənd tam orta məktəbinin “Uğur” komandası olub.
Keçidlər
