Neftçala rayonunda pambıq yığımı davam etdirilir

Ölkə başçısının kənd təsərrüfatı sahəsinə olan diqqət və qayığısı, tapşırıq və tövsiyələrinin davamı olaraq bu il Neftçala rayonunda 8056,7 hektar sahədə pambıq əkini aparılıb və becərilib.

Əkilən pambıq sahələrinə lazımı aqrotexniki qulluq göstərilmiş, mineral gübrələr verilmiş və vaxtında suvarma suyu ilə təminat həyata keçirilmişdir. Bunun nəticəsidir ki, hazırda pambıq tarlalarında məhsuldarlıq ürəkaçan vəziyyətdədir.
Pambıq sahələrinin becərilməsinə yüzlərlə insan cəlb edilib və onların məşğulluğu təmin olunub.
Neftçala Rayon İcra Hakimiyyətinin başçısı Mirhəsən Seyidov, RİH məsul şəxsləri, Neftçala Suvarma Sistemləri İdarəsinin, DAİM-in, Neftçala MKT MMC-in məsul şəxsləri və fermerlərin iştirakı ilə pambıq sahələrinə baxış keçirib, pambıq yığımına start verilib.
⠀
Pambıq sahəsində fermerlərlə görüş keçirən Neftçala RİH-in başçısı Mirhəsən Seyidov fermerləri narahat edən məsələlərlə maraqlanmış, qeyd olunan məsələlər müzakirə olunmuş, aidiyyəti təşkilatlara müvafiq tapşırıqlar verilmişdir. Pambıq yığımında gündəlik mövcud qrafiklərin hazırlanması, suvarma zamanı sudan səmərəli istifadə edilməsi, fermerlər arasında ədalət meyarının qorunması məsələsinə Rayon İcra Hakimiyyəti xüsusi nəzarət edir. Pambıq məhsulunun bu il hər hektar üçün 50 sentnerə çatdırılması fermerlərlə müzakirə olunub. Sahələrdə defolyasiya işləri aparıldıqdan sonra isə pambıqyığan kombaynlarla pambıq yığımına kütləvi şəkildə başlanılacağı tarixlərə xüsusi nəzarətin həyata keçirilməsi, rayonda pambığın tez, itkisiz yığımını təşkil etmək məqsədilə bütün maşın və mexanizmlərin, pambıqyığan kombaynların hazır vəziyyətə gətirilməsi aidiyyatı üzrə tapşırılmışdır. ⠀

Fermerlər yaradılan şəraitə, kənd təsərrüfatı sahəsinə göstərilən diqqət  və qayğıya görə cənab Prezident İlham Əliyevə təşəkkürlərini və minnətdarlıqlarını bildirmişdirlər.
Hal- hazırda pambıq yığımına 43 ədəd pambıqyığan kombayn, 200 nəfər işçi qüvvəsi cəlb olunmuş və 1716,14 ton pambıq yığımı həyata keçirilmişdir.