Neftçala rayonunda “Zəfər Günü” silsilə tədbirləri həyata keçirilir
05 noyabr 2022 | 15:44
2020-ci il sentyabrın 27-də düşmənin törətdiyi təxribata qarşı əks-hücumla başlanan 44 Günlük Vətən Müharibəsindəki qələbəmizin ikinci ilinin tamam olması ilə əlaqədar olaraq Neftçala rayonunda Rayon İcra Hakimiyyətinin təşkilatçılığı ilə “Zəfər Günü” silsilə tədbirləri həyata keçirilir.
Tədbirlərdə Neftçala Rayon İcra Hakimiyyətinin, idarə, müəssisə, təşkilatların məsul şəxsləri, şəhid ailələri, qazilər, Vətən müharibəsi iştirakçıları, məktəblilər və məktəbəqədər təhsil müəssisələrinin körpələri iştirak edib.
İlk öncə Azərbaycan Respublikasının ərazi bütövlüyünün, müstəqilliyinin, konstitusiya quruluşunun müdafiəsi zamanı şəhid olan hərbi qulluqçuların ruhu bir dəqiqəlik sükutla yad olunub və Dövlət Himni səslənib.
Keçirilən tədbirlər zamanı məktəblilər üçün “Hərbi Qənimətlər Parkına” turlar təşkil olunub, məktəblilərə Vətən müharibəsində qazandığımız tarixi qələbədən, ordumuzun göstərdiyi şücaətlərdən, hərbi qənimət olaraq götürülən hərbi texnika qənimətlərdən danışılıb, şəhidlərimizin ruhu hörmətlə yad olunub, məktəblilərə vətən sevgisi təbliğ olunub və onların vətənpərvər ruhda təhsil almaları diqqətə çatdırılıb.
Tədbirlədə çıxış edən şəhid ailələri, qazilər və Vətən müharibəsi iştirakçıları 44 günlük Vətən müharibəsindəki qələbəmizdən, döyüş yollarından, şəhidlərimizin şücaətlərindən, mərdliklərindən danışıblar.
Keçirilən tədbirlər bütün rayon ərazisində və məktəblərdə keçirilməsi nəzərdə tutulub.
Keçidlər
