Neftçala rayonunda Vətən müharibəsi şəhidlərinin il dönümü ilə əlaqədar olaraq ailələri ziyarət olunub
03 oktyabr 2022 | 08:54
2020-ci il sentyabrın 27-də düşmənin törətdiyi təxribata qarşı əks-hücumla başlanan 44 Günlük Vətən Müharibəsində şəhid olan Neftçala şəhər sakini İmanzadə Ayaz Daşqın oğlunun və II Qaralı kənd sakini Hüseynov Pəncalı Bəhmən oğlunun şəhadətə yüksəlməsinin ildönümü ilə əlaqədar olaraq ailələri ziyarət olunub.
Şəhidlərin il dönümünün ziyarət olunmasında Neftçala Rayon İcra Hakimiyyətinin başçısı Mirhəsən Seyidov, RİH məsul şəxsləri, hüquq-mühafizə orqanlarının, idarə, müəssisə, təşkilatların rəhbərləri, din xadimləri, qazilər və şəhid ailələri iştirak edib.
Şəhidlərimizin ailə üzvləri dövlət tərəfindən göstərilən diqqət və qayğıya görə Ali Baş Komandan İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiribər.
Şəhid İmanzadə Ayaz Daşqın oğlu 1996-cı il dekabrın 3-də Neftçala şəhərində anadan olub. Azərbaycan Respublikasının ərazi bütövlüyü uğrunda 27 sentyabr 2020-ci il tarixindən başlayan Vətən müharibəsinə iştirak edib, döyüşlərdə şücaət göstərib və Füzuli şəhəri uğrunda gedən döyüşlərdə qəhrəmancasına şəhid olub. Oktyabr ayının 2-də Neftçala şəhərində Şəhidlər Xiyabanında dəfn olunub.
Azərbaycan Respublikasının Prezidenti İlham Əliyevin 15.12.2020-ci il tarixli Sərəncamına əsasən "Vətən uğrunda" medalı, 25.12.2020-ci il tarixli Sərəncamına əsasən "Xocavəndin azad olunmasına görə" və "Füzulinin azad olunmasına görə" medalı, 29.12.2020-ci il tarixli Sərəncamı ilə "Şuşanın azad olunmasına görə" ilə Ayaz İmanzadə ölümündən sonra təltif edilib.
Şəhid Hüseynov Pəncalı Bəhmən oğlu 7 may 2001-ci ildə Neftçala rayonunun II Qaralı kəndində anadan olub. Azərbaycan Respublikasının ərazi bütövlüyü uğrunda 27 sentyabr 2020-ci il tarixindən başlayan Vətən müharibəsinə iştirak edib, döyüşlərdə şücaət göstərib və Füzuli şəhəri uğrunda gedən döyüşlərdə qəhrəmancasına şəhid olub. Oktyabr ayının 02-də Neftçala rayonu Qaralı kənd qəbrisitanlığında dəfn olunub.
Azərbaycan Respublikasının Prezidenti cənab İlham Əliyevin 15.12.2020-ci il tarixli Sərəncamına əsasən "Vətən uğrunda" medalı və 29.12.2020-ci il tarixli Sərəncamına əsasən "Kəlbəcərin azad olunmasına görə" medalı ilə ölümündən sonra Pəncalı Hüseynov təltif edilib.
Neftçala Rayon İcra Hakimiyyətinin kollektivi adından şəhid ailələrinə dərin hüznlə baş sağlığı veririk.
Keçidlər
