Neftçala rayonunda Aqrar Biznes Festivalı keçiriləcək
Neftçala Rayon İcra Hakimiyyətinin və Kənd Təsərrüfatı Nazirliyinin Aqrar İnnovasiya Mərkəzinin təşkilatçılığı ilə 20 sentyabr 2024-cü il tarixində saat 14:00-da Neftçala şəhəri Hüseyn Cavid adına parkda Aqrar Biznes Festivalı toxum sərgi-satış yarmarkası keçiriləcəkdir.
Toxum sərgi-satış yarmarkasında payızlıq dənli bitkilərin əkini üçün yüksək reproduksiyalı, sertifikatlı toxumlar nümayiş olunacaq. Sərgidə dənli (arpa, buğda), tərəvəz bitki sortları və toxumları, kənd təsərrüfatı təyinatlı müxtəlif texnika və aqreqatlar, innovativ suvarma texnologiyaları, alternativ enerji mənbələri, pambıq əkinində tətbiq olunan yeni texnologiyalar, müasir texnologiyalar əsasında əldə olunmuş əkin materialları və bitki mühafizə vasitələri sərgilənəcəkdir. Toxum sərgi-satış yarmarkası çərçivəsində fermerlərlə, sertifikatlı toxumun əldə olunması, sortların regionların torpaq-iqlim xüsusiyyətlərinə uyğun düzgün seçilməsi, toxumların təmizlənməsi barədə maarifləndirici görüşlər təşkil ediləcəkdir.
