"Döyüş Hərəkətlərini Öyrənirik” adlı hərbi vətənpərvərlik mövzusunda tədbir keçirilib

“Zəfər günü” münasibətilə Neftçala rayonunda silsilə tədbirlər davam edir. Belə ki, 05 noyabr 2024-cü il tarixdə Neftçala Rayon İcra Hakimiyyətinin dəstəyi,  Neftçala Peşə Məktəbi publik hüquqi şəxsin təşkilatçılığı ilə “Qəhrəmanlıqla Yazılan Tarix" silsilə tədbirləri çərçivəsində "Döyüş Hərəkətlərini Öyrənirik” adlı hərbi vətənpərvərlik mövzusunda tədbir keçirilib.
Tədbirdə Neftçala Rayon İcra Hakimiyyətini başçısı aparatının böyük məsləhətçisi Əliheydər Qarayev, Vətən Müharibəsi qaziləri, müharibə iştirakçıları, məktəbin müdiri, müəllim və tələbələri iştirak edib.
Tədbir, ehtiyatda olan mayor, məktəbin hərbi hazırlıq müəllimi Ülvi Məhərrəmlinin rəhbərliyi altında həyata keçirilib.
İlk öncə xalqımızın ümummilli lideri,Ulu Öndər Heydər Əliyevin və Azərbaycan Respublikasının ərazi bütövlüyünün, müstəqilliyinin, konstitusiya qurluşunun müdafiəsi zamanı şəhid olan hərbi qulluqçuların əziz xatirəsi bir dəqiqəlik sükutla yad edilib.
Tədbir proqramı ardıcıl hərbi-təlim mərhələləri ilə davam edib. Öncə, bayraq yürüşü keçirilib və Azərbaycan bayrağını qürurla daşıyan tələbələr marş sədaları altında irəliləyiblər. Sıra hazırlığı mərhələsində tələbələr nizami addımlar və hərbi düzülüş qaydaları nümayiş etdiriblər. Ardınca, Ülvi müəllimin rəhbərliyi altında manqanın döyüş tapşırığının yerinə yetirməsi mərhələsi baş tutub, burada tələbələr döyüş vəziyyətlərində çevik və nizamlı davranış sərgiləyiblər. Növbəti mərhələ isə atəş hazırlığı olub, tələbələr atıcılıq bacarıqlarını inkişaf etdirərək, döyüşə hazırlıq səviyyələrini artırıblar. Əlbəyaxa döyüş təlimləri isə yaxın məsafədə özünü müdafiə və hücum texnikalarını praktik şəkildə öyrətməklə davam edib.
Tədbirin sonunda Azərbaycan bayrağı yüksək qürurla yenidən ucaldılıb, iştirakçılar üçün qürur və vətənpərvərlik ruhunu zirvəyə qaldırıb.