Neftçala rayonunda Yel çərşənbəsi qeyd olunub
Neftçala Rayon İcra Hakimiyyətinin dəstəyi və Biləsuvar Regional Mədəniyyət İdarəsinin Neftçala rayon Mədəniyyət evinin təşkilatçılığı ilə Rayonun Aşağı Qaramanlı kəndində Yel çərşənbəsi qeyd olunub.
Tədbirdə Neftçala Rayon İcra Hakimiyyətinin başçısı Mirhəsən Seyidov, RİH məsul şəxsləri, hüquq- mühafizə orqanlarının, idarə, müəssisə və təşkilatların rəhbərləri, şəhid ailələri və müharibə iştirakçıları iştirak edib.
Tədbir iştirakçılarına Yel çərşənbəsi haqqında geniş məlumat verilib və tədbir konsert proqramı ilə davam edib.
Bayram tədbiri kənd sakinləri tərəfindən böyük coşqu ilə qarşılanıb, xalqımıza, elimizə, obamıza əmin-amanlıq, sülh və firavalıq arzulanıb.
Tədbirin sonunda Neftçala RİH başçısı Mirhəsən Seyidov kənd sakinləri ilə birlikdə rəmzi tonqalı yandırıb.
