2022-ci il Gənclər üçün Prezident mükafatlarının verilməsi haqqında Azərbaycan Respublikası Prezidenti Sərəncam imzalayıb
Sərəncama əsasən elm və təhsil, mədəniyyət, gənclər siyasəti və gənclərlə iş, ictimai və sosialyönümlü fəaliyyət, innovasiya və sahibkarlıq sahələrində xüsusi fərqlənən gənclər 2022-ci il Gənclər üçün Prezident mükafatları verilsin.
Mükafatlanan gənclərdən biridə Neftçala rayon sakini Xəlilli Əliqənbər Yadigar oğludur. Xəlilli Əliqənbər 06 iyul 1994-cü ildə Neftçala rayonu Xıllı qəsəbəsində anadan olub. 2011- 2015-ci illərdə Azərbaycan Dövlət Neft və Sənaye Universitetinin Kompyuter mühəndisliyi ixtisası üzrə təhsil alıb. 2016-cı ildən etibarən dünyaca məşhur kompüter elmləri bloqlarında (Geeks for Geeks, Codeforces, MIT Technology Review və s.) faydalı kontentin yaradılması ilə məşğuldur. 2017-2021-ci illərdə “Azercell Telecom” şirkətində proqramçı mühəndis, məhsul və servislərin idarəolunması qrupunun texniki koordinatoru və həmin qrupun rəhbəri vəzifəsində çalışıb. 2020-ci ildə Vətən müharibəsi dövründə “Azercell Telecom” şirkətində məhsul və servislərin idarəolunması qrupunun rəhbəri olaraq 5 milyondan çox abunəçiyə telekommunikasiya xidmətlərinin fasiləsiz və keyfiyyətli təmin edilməsində aktiv rolu olub.
Ətraflı məlumat üçün link: 2022-ci il Gənclər üçün Prezident mükafatlarının verilməsi haqqında Azərbaycan Respublikası Prezidentinin Sərəncamı
