Azərbaycan Respublikasının təhsil işçilərinin təltif edilməsi haqqında Azərbaycan Respublikası Prezidenti Sərəncam imzalayıb

Azərbaycan Respublikasının təhsil işçilərinin təltif edilməsi haqqında Azərbaycan Respublikası Prezidenti Sərəncam imzalayıb. Sərəncama əsasən Azərbaycan təhsilinin inkişafında xidmətlərinə görə  Samid İmanov adına Neftçala şəhər 1 saylı tam orta məktəbin riyaziyyat müəllimi Əliyev Famil Abbas oğlu “Tərəqqi” medalı və Elton Həbibov adına Neftçala şəhər 4 saylı məktəbin ingilis dili müəlliməsi Cəfərova Məlahət Süleyman qızı “Əməkdar müəllim” fəxri adı ilə təltif olunublar.
Əliyev Famil Abbas oğlu 20 iyun 1971-ci ildə Neftçala rayonu Həsənəbad qəsəbəsində anadan olub. 1988-ci ildə Azərbaycan Dövlət Universitetinin (hal- hazırda Bakı Dövlət Universiteti) mexanika- riyaziyyat ixtisasına qəbul olub. 1993-cü ildən S. İmanov adına Neftçala şəhər 1 saylı orta məktəbdə müəllim işləyir.
Cəfərova Məlahət Süleyman qızı 08 iyul 1958-ci ildə Neftçala rayonu Bankə qəsəbəsində anadan olub. 1980-ci ildə Azərbaycan Dövlət Dillər Universitetinə ingilis dili ixtisasına qəbul olub. 1996-cı ildən E. Həbibov adına Neftçala şəhər 4 saylı tam orta məktəbdə ingilis dili müəlliməsi işləyir.
2009-cu ildə Azərbaycan Respublikası Təhsil Nazirinin əmri ilə Qabaqcıl təhsil işçisi döş nişanı və Azərbaycan Respublikasının Prezidenti ilham Əliyevin 30 sentyabr 2014-cü il Sərəncamı ilə Tərəqqi Medalı ilə təltif olunub.
Təltif olunan müəllimlərimizi Neftçala RİH adından səmimi qəlbdən təbrik edirik və təhsil işlərində uğurlar arzu edirik.