Vətəndaşların nəzərinə!

Səyyar ASAN xidmət 03 may və 23 may  2021-ci il tarixinə qədər Neftçala şəhərində vətəndaşlara səyyar formada xidmət göstərəcək.

Səyyar şəkildə göstərilən xidmətlər Azərbaycan Respublikasının Ədliyyə Nazirliyi, Daxili İşlər Nazirliyi, Əmək və Əhalinin Sosial Müdafiəsi Nazirliyi və Əmlak Məsələləri Dövlət Komitəsi tərəfindən təqdim olunub.
Bu xidmətlərə aşağıdakılar daxildir:
- Tibb xidməti
- Bank xidməti(dövlət rüsumlarının və xidmət haqlarının qəbulu);
  - Notariat fəaliyyəti;
  - Vətəndaşlıq vəziyyəti aktlarının dövlət qeydiyyatı;
  - Şəxsiyyət vəsiqələrinin verilməsi və dəyişdirilməsi;
  - Ümumvətəndaş pasportlarının verilməsi və dəyişdirilməsi;
   - Əmək pensiyalarının təyin edilməsi;
   - Mənzillər üzərində mülkiyyət hüquqlarının dövlət qeydiyyatına alınması barədə çıxarışların verilməsi;
  - Daşınmaz əmlakın təsvirinə, dövlət qeydiyyatına alınan hüquqlara və onların məhdudlaşdırılmasına (yüklülüyünə) dair dövlət reyestrindən arayışların verilməsi;
   - Fərdi yaşayış evləri üzərində mülkiyyət hüquqlarının təkrar dövlət qeydiyyatına alınması barədə çıxarışların (ilkin qeydiyyat istisna olmaqla) verilməsi;
- Sürücülük vəsiqələrinin dəyişdirilməsi.
Səyyar ASAN xidmətin həyata keçirilməsinin əsas məqsədləri dövlət xidmətlərinin vətəndaşlara daha rahat, yeni və innovativ üsullarla təqdim edilməsi, vətəndaşlar üçün əlçatanlığın təmin edilməsi və vətəndaş məmnunluğuna nail olunmasıdır.