Neftçalada koronavirus pandemiyasının genişlənməsinin qarşısının alınması məqsədi ilə tədbirlər davam etdirilir
Elan olunmuş xüsusi karantin rejiminin tələblərinin icrası ilə əlaqədar Azərbaycan Respublikası Daxili İşlər Nazirliyinin Neftçala Rayon Polis Şöbəsinin əməkdaşları tərəfindən tədbirlər görülür. Belə ki, Kapital Bankın Neftçala filialında 2200 nəfər üçün nəzərdə tutulmuş ünvanlı sosial yardımların və əmək pensiyalarının alınması zamanı sakinlərin həmin əraziyə axınını nəzərə alaraq polis əməkdaşları tərəfindən buraya xüsusi şəkildə nəzarət edilir. Vətəndaşların rahatlığını təmin etmək üçün sosial məsafə gözlənilməklə həmin ərazidə stullar düzülüb, isti hava şəraitini nəzərə alaraq mütəmadi olaraq növbə gözləyən sakinlərə içməli sular verilib, tibbi maskası olmayanlara maskalar paylanılıb. Vətəndaşlar da onlara göstərilən bu diqqət və qayğıya görə polis əməkdaşlarına minnətdarlıqlarını bildiriblər.
